ഓ, എന്‍റെ തുഷാര മേഘമേ,
ഇന്നെത് ശിഖരത്തില്‍ കൂട് വെച്ചു നീ?
മൂകമായി അങ്ങ് അകലെ നില്‍ക്കുകയോ
ആര്‍ദ്രത തഴുകിയ മനസ്സില്‍, നിന്‍റെ
കറുപ്പ് വീണ കല്മഷം ചൊരിയുന്ന
കണ്ണുകളുമായി..
ഏകാന്തമായ ഇടനാഴിയില്‍ ഞാന്‍ ഇരിക്കുന്നു
പടര്‍ന്നു ഒഴുകുന്ന ഈ ജലരേഖകള്‍
നിന്‍റെ മൃദുല സ്പര്‍ശം കൊതിക്കുന്ന പോലെ
ശൈത്യം പൊതിഞ്ഞ മാറാപ്പു മാറ്റി..
മെല്ലെ,വളരെ മെല്ലെ നിശബ്ദമായി
നീ എത്തുമോ?
എന്നിട്ടും:--
'മഴകാറിന്‍റെ കറുപ്പ് നിറഞ്ഞ എന്‍റെ
ഹൃദയത്തുള്ളികള്‍ കടലാസ്സു താളില്‍ വെറുതെ
ചിതറി വീഴുന്നു, എന്തിനെന്നില്ലാതെ
മഴ പെയ്യാന്‍ കഴിയാതെ നില്‍ക്കുന്ന
ഒരു വര്‍ഷ കാലം പോലെ...
..........(വിനു).........
No comments:
Post a Comment