എന്‍റെ വീടെനിക്ക് സങ്കല്‍പ്പിക്കാന്‍
കഴിയാത്ത സ്വര്‍ഗമായിരുന്നു
മഴപോലെ പെയ്ത സ്നേഹം
എന്നെ നനയ്ക്കാത്ത ദിവസങ്ങളില്ല
അന്ന്, പെയ്തത് നിലാമാഴയെങ്കില്‍
എന്ന് അത് വേനലിന്‍റെ കാഠിന്യം
ഉളവാക്കുന്നു..
വേര്‍പിരിയല്‍ നടക്കുന്നത്
നിമിഷങ്ങള്‍ കൊണ്ടാണ്!
ഓടി നടന്നു വഴക്കിടുന്നത്
യുദ്ധത്തില്‍ തോറ്റ പടയാളികളെ പോലെയാണ്
ആരും തിരക്കാത്ത സുഖവിവരങ്ങള്‍
സ്വയം ഞാന്‍ കുഴിച്ചുമൂടുന്നു
മറന്നുകൊണ്ടല്ല,ഓര്‍ക്കാതിരിക്കാന്‍
ഇതാണ് എന്‍റെ സ്വര്‍ഗമെന്നു കുറിച്ച
കൈവിരലുകള്‍ ഇന്ന് -
സ്വര്‍ഗം തേടി അലയുകയാണ്
വെറുതെ അലയുകയാണ്...
No comments:
Post a Comment