ഇനിയുമെത്രയോ കാതങ്ങള് പിന്നിടണം?
കാലു കഴുകി ഈ വഴിയമ്പലത്തില് കയറി
തെല്ലൊന്നു വിശ്രമിക്കാം.
സൂര്യന്റെ ഇളം ചൂടേറ്റു
നടക്കാന് നമുക്കീ പകലുണ്ട്
രാവുറങ്ങാന് നിലാവിന്റെ -
വിരലാല് തീര്ത്ത മഞ്ചവും
ശരീരവും, മനസ്സും പകുത്തു വെയ്ക്കാന്
തുറന്നൊരു ആകാശവും..
ജാലകം അടക്കരുത്, കാറ്റ് അരിച്ച്എത്തട്ടെ -
മനസ്സിന് ക്ഷീണം വേണ്ട,
പാദങ്ങള്ക്ക് നോവുവേണ്ട
ഓര്മ്മകള് വേണ്ട..
ഭാണ്ഡം ചുമക്കാന് പകരക്കാരെ തിരക്കേണ്ട
വേഗം വിശ്രമം അവസാനിപ്പിക്കുക
നമുക്കിനിയും കാതങ്ങള് പോകേണ്ടതുണ്ട്
കാടുകള് താണ്ടുവാന് ഉണ്ട്...
..........(വിനു).....
No comments:
Post a Comment